[ندعوك للتسجيل في المنتدى أو التعريف بنفسك لمعاينة هذا الرابط]في داالموضوع بعض الكلمات من لهجتنا.. اللهجه الحوجازيه
وهي أحد اللهجات السعوديه
ومنطقة الحجاز هي المنطقه الغربيه من المملكه العربيه السعوديه وتضم :
مكه المكرمه , المدينه المنوره, جده عروس البحر الاحمرفاللهجه الحجازيه قد تختلف عن اللهجات الأخرى كاللهجه السعوديه..(لهجة أهل نجد , واهل المنطقه الشرقيه , واهل المنطقة الشماليه , واهل الجنوب) وكذلك الخليجية أو المصرية أو السورية وغيرهم من الدول العربية ،في نطق بعض الكلمات أو الحروف أو تعبير الجمل ،
!! ولكنها تعتبر من أجمل اللهجات لسهولتها وفهمها في جميع الأقطار العربية ..وقبل أن أضع الكلمات لدي ملاحظات .. !!
فأهل الحجاز ينطقون :
حرف
القاف كاف ، أو الأصح ينطق
(ga) أظن قد اتضح ذلك ،
أما حرف الذال ينطق
دال او زاي (ز)وحرف الثاء قد ينطق تاء أو سين
مثلا: رقم أثنين ينطق اتنين
ورقم ثلاثه
تلاتهوكلمه مثال تنطق
مسال أو
متالوحرف الظاء ينطق
زّ مشدده أو
ض* كمانا الحجازيين فيهم اخلاق و احترام مافي بعدهالما يطلب منك سكينة ايش يقول ؟
يقلك الله يخليك اديني سكينة في قلب العدولما يقولك كنت باكل
يقلك كنت باتعشى مثلا فضله خيرك..والآن جاء دورالكلمات ومعانيها..دحين = الآن
قلتلو = قلت له
بالزبط = بالتأكيد
داك الشي = ذاك الشئ
بُرااد = برد
مثلا: الجو كان بُرادبزوره = أطفال
إزهم عليه = نادي عليه
إلزمي= امسكي او تناولي
خش جوه شوف = أدخل داخل وانظر
دوبو كان هنا = قبل قليل كان هنا
يا دوب يكفي = يعني على قدر الكفايه
مثلا: عندي فلوس بس يادوب تكفي اشتري بيها شنطة
كداب = كذاب
قوام قوام = سريعا سريعا
من فين جيت = من أين أتيت
ندر = خرج
أخصروا = لا تسمع له
(الخصران يقطع المصران )سيبوا = اتركه
بازط الشغله = فسد العمل
استنى = انتظر
أشكل = أكثر
مثلا : أنا اعرف للكمبيوتر أشكل منك
إشبك = ما بك
مثلا : إشبك زعلانطاقه = شباك
أقعد( بضم العين) = اجلس
روح = إذهب
أتاريه + ترنوا = بمعنى الصراحة أو امممم اجيب المعنى صعبه بس احطه في مثال وراح يتوضح لكمـ
مثلا: الأول يسأل التاني.. خالد في البيت؟الثاني: لا في السوقالأول :وأنا أدور له في البيت اتاريه ( ترنوا ) في السوقأبغى أو بدي = أريد
ايش = ماذا
ليش أو ليه = لماذا
مجاغة = ثقالة دم
زي = مثل
دحديرة = منحدر
هرج=كلام
أهرج = أتكلم
مركب = مطبخ (خاصة عند أهل مكة يسمون المطبخ المركب)
زُقاق ( بضم حرف الزين ) = الشارع الصغير
بزبوز = حنفية = صنبور الماء
دردبة = دحرجة
حوسة = لخبطة
يبحلق = ينظر بحدة
مثلا: مهند قاعد يطالع بلؤي..لؤي: خير ليش تبحلق فيّ..عاجبك!يوايق = ينظر
مقربعه = غير منظمه
مثلا: الأم تقول لبنتها: يابنت..قومي رتبي غرفتك المقربعه وكمان فيه كلمه مشهوره دايما يقولوها الصغار(الاول: قول اربعهالتاني: اربعهالاول :سيارتك مقربعه خخخخخخ) <<<<< مرررررة غبـــــار على النكتة هذه ( خخخخخخخخخخخخخ )مرررره= كثيير
مثلا: أنا أحب مكهـ بالمررررهوه وه + وي + أح + يؤ يؤ يؤ = تقال عند الإستغراب أو الإندهاش
والله نحتااااج لقاموس للهجة الحجازية ....مثلا : عمار سافر ونسي الشنطهتجي أم عمار تقول ( وه ) عمار سافر ونسي الشنطهمثلا : الأم تقول لبنتها : اتصلتي على ابوكي عشان يشتري الغداالبنت : وي نسيت..دحين أتصل عليهزنبيل = كيس
ترللي + دخلنا خرجنا = يعني زي المجنون ماناخد بكلاموا
طل + وايق = شوف بعينك
بُسكليته=دراجه هوائيه
مخمج = معفن
سكتم بكتم + هنا حفرنا هنا دفنا = يعني محد يدري عن شي
ستي = جدتي ( أمـ الأم ) أو ( أحد كبير في السن )
سيدي = جدي ( أبو الأمـ ) أو ( أحد كبير في السن )
ويقال أيضا
سيدي للأخ الأكبر،استيته تقال للأخت الكبري وهي تصغير ستي
<<< (ستي + سيدي ) خاصة بأهل مكهـ^^***
وهنا بعض الكلمات الشبابيه إللي يستخدمها الشباب في العاده مع اصدقائهم
فلّه (بتشديد اللام) = حريه
ما براسك = تقال للي ما يعرف شي
مثلا: واحد يقول : أعرف أسوق سيارة والله اعرف<< وهو لا يعرف ولا شي يصير نقوله ما براسك
روق المانجا =
هدي اعصابك <<< منتدانا دخل موسوعة اللغة الحجازية ( خخخخخخخخخ)والليل = استغراب
بكّاش = كداب
ياشيخ = تعبير ينقال لمن واحد يستغرب من كلام التاني أو يستهزء بعض الاحيان
مثلا: الأول يقول للثاني.. محمد راح المريخ
الثاني: لا ياشيخ المريخ
حركات = تنقال لمن واحد يعجبه شغله
بايعها = يعني تجي زي ما تجي
مثلا : واحد يتسلق الجبل وإللي تحت يقولوا بايعها الراجل مو خايف على نفسه
هيا طير = بمعنى اقلب وجهك أو انسى الموضوع
اكفش = اقبض عليه امسكه
صنقوري = أحمق أو يزعل بسرعة
بلا بهلله = يعني لا تتصرف بطريقه غبية
أمثال حجازية : تيتي تيتي رحتي متل ما جيتيإذا جيت رايح كتر من الفضايح. او إذا جيت رايح كتر من الملايح بعد ما أكل واتكا قال ريحته مستكا. حاميها حراميهارجعت ريمه لعادتها القديمهحاجه ما تهمك وصي عليها جوز أمك. ست وجاريتين على قلي بيضتين. أعمى ويلضم خرز. دلع الكبار زي الشقدف على الحمار. اللي ماله أم حاله يغم. كنس بيتك ورشُه ما تدري مين يخشوا. كل حبه مسوسه لها كيال أعور. على قد زيتوا سرجلوا. الخايبه تتعلق بالحبال الدايبة. عقربه في الغار ولا ضره في الدار. خاتم بفصو وكل شي ترصوا. أهري وانكتي يا جاره وأنا ثابته زي العماره. شايل لنا طيران عبد القادر لو لك شي عند الكلب قول له يا سيدي لا تقرصيني يا نحله ما أبغالك عسل.. يحسدوا الفقير على موتت الجمعه سكتنا له دخل بحمارووو ما يقدروا على الحمار يقدروا على البردعة اذا حلقوا لغيرك بل راسك واستنى ايش عرف الحمير بأكل الجنزبيل البيض الفاسد يدحدر على بعضه إذا تعاندوا الحمير يا بخت الركاب البيضه ما تخابط حجر حبيبك يمضغ لك الزلط وعدوك يعد لك الغلط حمارتك العرجة تغنيك عن سؤال اللئيم داخل لبيت العروسه نادر من بيت العريس ياريتني بيضه وعرجه اصلوا البياض فُرجه يااخد القرد بماله يروح المال ويبقا القرد على حالو الله من محبته في عبيدو جعل العمر والرزق بيدو. اللي يشوفني بعين اشوفوا باتنين. مين يشوفك يالي في الضلام تغمز فقير اتجوز فقيرة خلفوا وجع القلب كبيرهم فلفل وصغيرهم زنجبيل واللي في الكوفلة يقول من العايدين خشوني لاتنسوني ولعوا الشمعة وشوفوني عمية تحفف مجنونة وتقولها حواجبك سودا ومقرونة الصرمة والقبقاب صاروا أصحاب يا داق الموية في المهراس يا مربي ولد الناس كل عيش البخيل ولا تأكل عيش المنان أدب ولدك وان زعلت امه يابخت من بكاني وبكى الناس عليه ولا من ضحكني وضحك الناس عليه. رضينا بالهم والهم ما رضي بينا اتملت العدوة وقلت المروه أكلوا الملوخية وصاروا أفندية لمن كنا ما كانوا ولمن رقدنا قاموا قالوا متى طلعت القصر قالوا أمس العصر العروسه للعريس والجري للمتاعيس سلامتك والهيل والقرنفل قمامتك اللي يشيل قربه مخروقه تنقط على راسه الحجر من الارض والدم من راسك أخوانك من أمك زي الدهب في كمك و أخوانك من أبوك زي القوم لما ينهبوكمن بيت أصقع لبيت أرقع مطبق العاده و معصوب كل يوم في كل محضر بالتوب الاخضر باب المجلس يقول باب السطوح .. اللي يجي يجي .. واللي يروح يروح خليها في القلب تجرح و لاتخرج بره ترمح الحر من غمزة والحمار من رفزه يضرب هذا المثل لإيضاح الفرق بين النبيه والبليد. خطبوها اتعززت تركوها اتندمت يضرب لمن يتظاهر بعدم الرغبة حينما يعرض عليه امر ولكنه يندم بعد فوات الاوان ..دلع الكبار زي الشقدف على الحمار يضرب هذا المثل لخروج العجوز عن وقاره وجديته والشقدف عشان الاسئلة بس:ما كان يوضع على الجمل ليجلس فيه المسافرون قلبي على ولدي انفطر وقلب ولدي عليا حجر. و لا تنسوا ارضى بقردك لايجيك اللي أقرد منوو الحب عياقة ...توب بلا ياقة لعيونكم كمان محادثه مكاويه :[ندعوك للتسجيل في المنتدى أو التعريف بنفسك لمعاينة هذه الصورة] ماجد ابو صدقه / يواد يامعمرعمر ابو سراج / هلا مجودماجد ابو صدقه / كيف الحال والتحوالعمر ابو سراج / خليها على ربك ياشيخماجد ابو صدقه / بلا في شكلك ... خاربها من بدري ... اشبكعمر ابو سراج / لا بس البزوره جابولي القلقماجد ابو صدقه / صفقهم احسن لكعمر ابو سراج / يابن الحلال الحرمه ديزي المرض قاعدتليماجد ابو صدقه / من جد ... المهم رايح القهوةعمر ابو سراج / قدام ... والله مره المنجا عندي يبغالها ترويقماجد ابو صدقه / هه مايبغالك الا باعشنعمر ابو سراج / من جد ... سريناماجد ابو صدقه / خلاص بعد نص ساعه امركعمر ابو سراج / هيا لا تتاخر ... تراها واصله معاياماجد ابو صدقه / بس تره مفلسعمر ابو سراج / لا تشيل هم .. انا منقرشماجد ابو صدقه / الله عليك ياعمده .. او كي يالله القاك هناكعمر ابو سراج / على خيرالالقااااااااااااااب :عندنا في الحجاز وخصوصا مكه في اسماء يعطوها كنيه او لقب على سبيل المثال واحد اسمو عبد الله يقولولو أبو عابد ... وهذي بعضها :عمر : أبوسراجحسن : أبو علىحسين : أبو هلاليوسف : أبو يعقوبعبدالله : عبادي او ابو عابدعبدالرحمن : الوجيهعبد الرحيم : أبو رحمهفيصل : أبو عبداللهعبد العزيز : عزيز أو ابوسعودفاطمة : فتومريم : منّةابراهيم : أبو خليلودي بعض الموالات و المجسات و القراءة الحجازيةهدي مني لكم لاحلى اعضاء و احلى منتدى[ندعوك للتسجيل في المنتدى أو التعريف بنفسك لمعاينة هذا الرابط]وفي النهاية :.اهل مكة حمام ..واهل المدينة قماري ..واهل جدة غزال واللى يماري يماري ...[ندعوك للتسجيل في المنتدى أو التعريف بنفسك لمعاينة هذا الرابط]]
[ندعوك للتسجيل في المنتدى أو التعريف بنفسك لمعاينة هذا الرابط][/url]
وعلى فكره ,,ساعات تصير اختلافات في اللهجه بين مدن الحجاز ،،، بس مش إختلاف كبير يعني أهل جدهـ كلامهم يختلف قليل عن أهل مكهـ والمدينـهـ ::. تحياتي للجميع .. و دمتم بخير .::" لسعة شقاوة " 
الجمعة أبريل 18, 2008 12:35 pm
